Transcription
1
02 septembre 1571
2
Monsieur, jay receu votre lettre par ceulx de Sainct-Pol, lesquelz se sont allés
3
plaindre à vous de ce que le mareschal des lougis de ma compaignye
4
les avoyt cotysés à quelque somme par trop execive et sans
5
les appeler ; et sestans trouvé seans tous ensemble, ilz
6
ont confessé quilz avoyent esté appellez et quilz firent
7
responce que les villes navoyent poinct acoustumé de
8
respondre aux villaiges ; et quant à la cotisation, ledit mareschal
9
de logis dict quil la leur laisse faire entre eulx. Mais
10
quoy quil en soiyt, je lay chargé vous envoyer incontinent
11
avec ceste lettre tout ce quilz en ont faict ensemble, tant
12
des cotisaotions [sic] que de ce quilz font dellivrer pour homme darme
13
et pour archier à celle fin que la dessus vous en
14
ordoniés comme il vous plerra. Et pour vous faire cognoistre
15[barré : que ] comme je desire les sollaiger comme leur voisin, je nay
16
laysser assembler ung seul des miens de sabas jusques
17
au vingt cinquiesme que je les ay mandés, que mavoyt
18
mandé le sieur de Monluc quil sy treuveroyt pour
19
les soullaiger aussy les ungz et les aultres ; car,
20
à la vérité, il y a pitié de tous costés car vous scavés
21
comme la gendarmerye a esté traictée et quel moyen
22
elle peult avoir de se remectre. Je y tiendray la main
23
le plus que je pourray. Ceppendant, je me recomanderay
24
humblement à votre bonne grace et prieray Dieu
25
monsieur, vous donner très bonne vye et longue. De Suze
26
ce XXIIIe aoust 1571.
27
votre plus affetionné et
28
très obeissant
29
Suze